Falkirkeko gudua, Eskoziako gaeleraz: Blàr na h-Eaglaise Brice eta ingelesez: Battle of Falkirk, 1298ko uztailaren 22an Eskoziako Falkirk udalerriaren inguruan Eskoziako Erresumako gudarostea eta Ingalaterrako Erresumako gudarostearen artean jazotako gudu bat izan zen. Eskoziako Lehen Independentzia Gerretako gudu garrantzitsu eta handienetako bat izan zen.
Ingelesen gudarostearen buruzagitzan Eduardo I.a Ingalaterrakoa zegoen eta Eskoziarren gudarostearen buruzagitzan William Wallace. Ingeles gudarosteak Eskoziar gudarostea garaitu zuen, halere gudu hau jazo aurretik Wallacek Ingeles gudarostearen aurka erabilitako lur errearen taktikei esker Ingeles gudarostea ahuldua zegoenez, gudu hau irabazi arren ez zen Eskozia guztiz menpean hartzeko gai izan.